حماسي وشوقي لهوايتي القديمة عم يجبروني إني أكتب كمان :)
بعترف إني بطيئة في التعامل مع المدونة بس السبب هو ضيق وقتي، شوي شوي راح أصير خبيرة في المدونات ..
اليوم قررت أغير اسمي المستعار من عبلوش إلى غربة الروح !! طبعا أكيد رح تسألو حالكم إيش التغيير اللي ما إلو علاقة ببعضو..
طبعا أكيد ما إلو علاقه ببعضو ليش اسمو تغيييييييييير :)))
أوكي راح أحكيلكم سر صغير لتفهمو... عبلوش هادا إلو مكانه خاصه بقلبي وللتحديد أكتر أنا ما بعرف اذا هو مذكر أو مؤنث:))
ممكن يكون مره ولد وممكن مره يصير بنت على كيفي الموضوع :))
بصراحة عبلوش هو/هي صديق الطفولة الخيالي :))
في الوقت الحالي هو غير متواجد وفعليا مو متذكرة أنا متى توقفت عن تخيله.. ممكن يحكي بعضكم عني إني مجنونه .. بس أنا متأكدة أنو في كتير ناس متلي ... وبحب أحكي للناس يلي متل حالتي:
ما تستحو انكم تحكو عن عبلوش أبدا، اساسا عبلوش دليل على الذكاء في مرحلة الطفولة :)) وهادا الكلام مو مني، هادا الكلام بتأكيد من أخصائيين :))
اذن يحيا عبلوش دليل الذكاء الطفولي :))
(ملاحظه: مو بالضروري يكون صديقكم الخيالي اسمو عبلوش)
ارجع لموضوع الاسماء المستعاره. المهم، فقررت أغير من اسم عبلوش لأني حسيت انو المشاركين ما رح يفهمو معناه بالتالي التواصل راح يكون فيه حواجز واخترت اسم إلو معنى أوضح للناس وهو غربة الروح..
من أصعب الأحاسيس يلي ممكن يحس فيها الانسان هي الغربة لأنها غالبا ما ترادف الوحدة والشوق والحنين. ولما تذكر الغربة على طول الناس بيتذكرو الوطن حتى الناس اللي عايشين بوطنهم أول شي بيخطر ببالهم الوطن..
ومن تجربتي الخاصة بحب أدلو بدلوي. بما إني فلسطينية الأصل وما عشت بوطني مع إني بعرفو وزرتو اكتر من مره وما بنكر حنيني وإنتمائي إلو بس ما بعتبر حالي مغتربة لأني بشوف حياتي في البلد يلي أنا عايشه فيها أحسن من كتير من أهلها والشي التاني إنو العلاقات بين الأقارب والعائلة الواحدة صارت مفاهيمها مختلفة في وقتنا الحالي، وما بعتقد انو في حدى بينكر هالشي وبما اني والحمد لله عايشه في وطن عربي فهادا بخفف الأزمة كتيير.
الأسوا من غربة الوطن هو غربة الروح وغربة العقل.. لما تعيش بين أهلك وناسك وتحس حالك مختلف تماما عنهم وتتعامل بطريقة قاسية لأنك مختلف عنهم، وتوصل لمرحلة تحس حالك تايه وضايع وتفقد القدرة على تمييز الصح من الغلط لأنو ببساطه الأغلبية ضدك.. لقوله تعالى :(وإن تطع أكثر من في الأرض يضلوك عن سبيل الله إن يتبعون إلا الظن وإن هم إلا يخرصون)(سورة الأنعام)
هنا أقصى ما يمكن للإنسان أن يصل بالغربة...
غربة الروح...
بعترف إني بطيئة في التعامل مع المدونة بس السبب هو ضيق وقتي، شوي شوي راح أصير خبيرة في المدونات ..
اليوم قررت أغير اسمي المستعار من عبلوش إلى غربة الروح !! طبعا أكيد رح تسألو حالكم إيش التغيير اللي ما إلو علاقة ببعضو..
طبعا أكيد ما إلو علاقه ببعضو ليش اسمو تغيييييييييير :)))
أوكي راح أحكيلكم سر صغير لتفهمو... عبلوش هادا إلو مكانه خاصه بقلبي وللتحديد أكتر أنا ما بعرف اذا هو مذكر أو مؤنث:))
ممكن يكون مره ولد وممكن مره يصير بنت على كيفي الموضوع :))
بصراحة عبلوش هو/هي صديق الطفولة الخيالي :))
في الوقت الحالي هو غير متواجد وفعليا مو متذكرة أنا متى توقفت عن تخيله.. ممكن يحكي بعضكم عني إني مجنونه .. بس أنا متأكدة أنو في كتير ناس متلي ... وبحب أحكي للناس يلي متل حالتي:
ما تستحو انكم تحكو عن عبلوش أبدا، اساسا عبلوش دليل على الذكاء في مرحلة الطفولة :)) وهادا الكلام مو مني، هادا الكلام بتأكيد من أخصائيين :))
اذن يحيا عبلوش دليل الذكاء الطفولي :))
(ملاحظه: مو بالضروري يكون صديقكم الخيالي اسمو عبلوش)
ارجع لموضوع الاسماء المستعاره. المهم، فقررت أغير من اسم عبلوش لأني حسيت انو المشاركين ما رح يفهمو معناه بالتالي التواصل راح يكون فيه حواجز واخترت اسم إلو معنى أوضح للناس وهو غربة الروح..
من أصعب الأحاسيس يلي ممكن يحس فيها الانسان هي الغربة لأنها غالبا ما ترادف الوحدة والشوق والحنين. ولما تذكر الغربة على طول الناس بيتذكرو الوطن حتى الناس اللي عايشين بوطنهم أول شي بيخطر ببالهم الوطن..
ومن تجربتي الخاصة بحب أدلو بدلوي. بما إني فلسطينية الأصل وما عشت بوطني مع إني بعرفو وزرتو اكتر من مره وما بنكر حنيني وإنتمائي إلو بس ما بعتبر حالي مغتربة لأني بشوف حياتي في البلد يلي أنا عايشه فيها أحسن من كتير من أهلها والشي التاني إنو العلاقات بين الأقارب والعائلة الواحدة صارت مفاهيمها مختلفة في وقتنا الحالي، وما بعتقد انو في حدى بينكر هالشي وبما اني والحمد لله عايشه في وطن عربي فهادا بخفف الأزمة كتيير.
الأسوا من غربة الوطن هو غربة الروح وغربة العقل.. لما تعيش بين أهلك وناسك وتحس حالك مختلف تماما عنهم وتتعامل بطريقة قاسية لأنك مختلف عنهم، وتوصل لمرحلة تحس حالك تايه وضايع وتفقد القدرة على تمييز الصح من الغلط لأنو ببساطه الأغلبية ضدك.. لقوله تعالى :(وإن تطع أكثر من في الأرض يضلوك عن سبيل الله إن يتبعون إلا الظن وإن هم إلا يخرصون)(سورة الأنعام)
هنا أقصى ما يمكن للإنسان أن يصل بالغربة...
غربة الروح...
